GUTIERREZ, XULIO / FERNANDEZ, NICOLAS
A forma asombrosa na que se reproducen e coidan as súas crías doce especies de "Animais Extraordinarios"...
Nacer é o segundo volume da colección Animais Extraordinarios. Neste libro descríbese a forma asombrosa en que se reproducen e coidan as súas crías doce especies de animais. No volume anterior, Bocas, explícase con detalle e rigor o modo peculiar no que algunhas especies obteñen o seu alimento. Noutros libros desta colección mostraranse as construcións máis sofisticadas do reino animal, as migracións máis espectaculares e as insólitas estratexias que algúns seres vivos utilizan para pasaren desapercibidos.
Un libro instrutivo, ameno, ben estruturado e de gran atractivo visual, que comeza situando o lector ante os diversos grupos de reino animal, con exemplos de cada un. Por terra, mar e aire, de norte a sur, por todos os continentes, selecciona unha serie de animais e ofrece un volume de información ben dosificada sobre as súas características, localización e costumes, centrándose na súa forma de chegar ao mundo, isto é, de nacer.
Esta obra, recomendada non só para o eido escolar, senón para todos os lectores interesados no medio ambiente, abriralles as portas ao fascinante mundo dos animais. A serie Animais Extraordinarios tamén inclúe os libros titulados Bocas e Construtores.
