Txarriama eta txarrikumeak epaitegira eroan dabez eragin eben istripuan izandako kalte ordainakaitik epaitzera, baina modu harrigarrian alde egingo dabe epaitegitik eta, funikularra hartuta, Igeldoko Atrakzino Parkera igongo dabe.
Han, bizimodu barria hasiko dabe. Ospetsu bihurtuko dira eta jendea erakarriko dabe, Igeldo modako atseden eta dibertsio leku bihurtuz. Txarrikume bat, Irina Arroxalieva izenez bateatua, balleteko izar bihurtuko da, umeen, amamen eta, orokorrean, jendearen zoramenerako. Sanferminetara ere eroango dabez txarriak eta mundu osoko telebistetan miresmena sortuko dabe. Arroxalik txarriek eragindako zor guztiak ordainduko dauz eta diru asko irabaziko dau.
