A protagonista desta historia fala en primeira persoa e, ao tempo que nos fai partícipes das súas percepcións, cóntanos os seus sentimentos. Por momentos, comprendémolos e somos cómplices da súa intimidade, da sensación de liberdade que a invade ao estar soa e poder facer cousas coma falar coas libélulas, contarlle segredos a lúa, escoitar a música do silencio.?Un conto inzado de metáforas e sinestesias, tanto no texto como nas imaxes, coas que profundaremos nos sentimentos e nas sensacións.
Para un público sen idade.
