Isabeli ez zaio axola Alex munstro bat izatea; izan ere, Alexek lagun egiten dio, entzun egiten dio eta ulertu egiten du. Baina Alexen presentzia lausotuz joanen da Isabelek beste adiskide batzuk izaten dituen heinean.
Alegiazko laguna da album honen gaia. Etxepare Sariaren IV. Edizioa irabazi zuen, eta horretarako kontuan hartu ziren liburuaren xarma, irudien kalitate estetikoa eta ipuinaren hizkera poetikoa.
